Psa 20 | KikGKY | STEP | Thaburi ya Daudi Jehova arogwĩtĩka rĩrĩa ũrĩ mĩnyamaro-inĩ; rĩĩtwa rĩa Ngai wa Jakubu rĩrokũgitĩra.

Psalms 20

Ihooya rĩa kũũria Ũhootani

Thaburi ya Daudi

1 ^aJehova arogwĩtĩka rĩrĩa ũrĩ mĩnyamaro-inĩ;
rĩĩtwa rĩa Ngai wa Jakubu rĩrokũgitĩra.
2 ^bArokũrehere ũteithio kuuma handũ harĩa hake haamũre,
na agũtiirĩrĩre arĩ kũu Zayuni.
3 Aroririkana magongona maku mothe,
na etĩkĩre maruta maku ma njino.
4 ^cArokũhe maũndũ marĩa ngoro yaku ĩĩrirĩirie,
na atũme mĩbango yaku yothe ĩgaacĩre.
5 ^dRĩrĩa ũkaahootana nĩtũkoigĩrĩria na gĩkeno,
na tuoye bendera ciitũ na igũrũ nĩ ũndũ wa rĩĩtwa rĩa Ngai witũ.
Jehova arokũhingĩria maũndũ marĩa mothe ũmũhooete.

6 ^eRĩu nĩmenyete atĩ Jehova nĩahonokagia ũrĩa wake mũitĩrĩrie maguta;
nĩamwĩtĩkaga arĩ kũu igũrũ rĩake rĩamũre,
arĩ na ũhoti wa kũhonokania ũrĩa ũrĩ guoko-inĩ gwake kwa ũrĩo.
7 ^fAndũ amwe mehokaga ngaari cia ita, na angĩ makehoka mbarathi,
no ithuĩ twĩhokaga rĩĩtwa rĩa Jehova Ngai witũ.
8 ^gMakurumaga makagũa thĩ,
no ithuĩ tũrũgamaga tũkehaanda.

9 Wee Jehova, honokia mũthamaki!
Twĩtĩkage rĩrĩa twagũkaĩra!